РУ
Кийикўт
Ziziphora pedicellata Pazij et Vved.
Ўсимлик тавсифи.
Кийикўт Lamiaceae оиласига мансуб кўп йиллик ўсимлик. Поялари кўп сонли, одатда бироз эгри-бугри, ингичка, пастки қисмида ёғочлашган, оддий ёки тепасида тарвақайлаб шохланган, майин тукланган, кўпинча сиёҳ рангда, баландлиги 20-40 см гача, барглари (ўрта) ланцетсимон ёки тор-ланцетсимон, ўткир, асосида понасимон, калта бандли, бутун, силлиқ ёки тарқоқ жуда майин, гулёнбарглар (энг паст) ланцетсимон ёки чўзинчоқ, жуда ўткир, жуда майин тукланган, гуллардан узун бўлмаган. Гуллари узун (одатда ярим халқаларнинг бандлари кўриниб туради), пастга қараб турган, майин тукланган (3)-4-5 мм узунликдаги гулбандларда, кўп гулли каллак тўпгуллари поя ва новдаларнинг юқори қисмида жойлашган. Гулёнбарглари чизиқли, тик чиққан майин тукли, жуда майда. Косачабарглари 5-6 мм узунликда, тик чиққан майин тукли. Гултожибарглари оч сиёҳ рангли, найчаси узунлиги 7-8 мм, косачабаргдан сезиларли чиқиб туради, пастки лабининг эни 4-5 мм. Чангдонлар гултожибаргнинг юқори лабидан бироз чиқиб туради ёки чиқиб турмайди. Июнь-август ойларида гуллайди, июль-сентябрь ойларида мевалайди. Гуллаш пайтида йиғилган ўсимликнинг ер усти массаси доривор хом ашё бўлиб хизмат қилади.
Ўсиш жойи. Тарқалиши.
У тоғларнинг пастки ва ўрта минтақаларида тошли ва шағалли қияликларда ўсади ва Тошкент вилоятида кенг тарқалган. Умумий тарқалиши: Ўрта Осиё (Ғарбий Тиён-Шон).
Хом ашёни йиғиш ва унинг сифати.
Кийикўт одатда июль бошида оммавий гуллаш пайтида йиғилади. Хом ашё бу вақтдан кечроқ йиғилганда, таркибидаги эфир мойи миқдори камаяди, натижада хом ашёнинг сифати пасаяди. Кийикўтининг хом ашёсини йиғишда зич ўсиш майдонларининг нормал ҳаётийчанлигини таъминлаш учун мавжуд генератив новдаларнинг ⅔ қисмини кесиб олиш мумкин ва ўша зич ўсиш майдонлари 3 йил давомида дам олгандан сўнг, қайта теришни амалга ошириш мумкин. Йиғилган ўтлари ҳаво яхши айланадиган чордоқларда ёки айвон остида қуритилиб, қалинлиги 5-7 см бўлган қоғозга ёки матога ёйилиб, вақти-вақти билан айлантирилади. Бутун ўтлар соф оғирлиги 5-15 кг бўлган, майдалангани эса – 10-30 кг оғирликдаги қопларга солинади. Қадоқлашдан олдин хом ашёга қўшимча ишлов берилади: улар майдаланади ва дағал поялардан элаклар ёрдамида тозаланади. Қуруқ, ҳаво яхши айланадиган жойларда сақланади. Яроқлилик муддати 2 йилгача.
ФС 42 Уз-0334-2007 талабларига кўра, хом ашёнинг намлиги 12% дан ошмаслиги керак ва ундаги эфир мойи абсолют қуруқ массасига нисбатан 0,3% дан кам бўлмаслиги керак.
Хом ашё қисман майдаланган баргли ва тўпгули поянинг юқори қисмларидан иборат. Рақамли кўрсаткичлар: намлик 12% дан, умумий кул миқдори 7,9% дан, ўсимликнинг поя қисмлари (асосий пояси ва ён новдалари) 2% дан, тешиклари диаметри 1 мм бўлган элакдан ўтувчи майдаланган зарралар 33,7% дан ошмаслиги керак; органик аралашмалар (бошқа заҳарли бўлмаган ўсимликларнинг қисмлари) 1% дан, минерал аралашмалар (тупроқ, қум, тошчалар) 1% дан ошмаслиги керак. Моғорлаган ва чириган ўсимликлар, заҳарли ўсимликлар ва уларнинг қисмлари, шунингдек, бегона доимий ҳид бўлмаслиги керак.
Кимёвий таркиби.
Ер усти қисмида 1,3% гача эфир мойи, органик кислоталар, C, Е витаминлари, А провитаминлари, флавоноидлар, антоцианлар, минерал тузлар, микроэлементлар ва бошқалар мавжуд.
Тиббиётда қўлланилиши.
Кийикўтининг ўти иштаҳани очиш, овқат ҳазм қилишни яхшилаш, гипертония ва сийдик тош касалликларини даволаш учун яхши воситадир. Шу мақсадда у чой ва қайнатма шаклида истеъмол қилинади.
Фойдаланилган адабиётлар рўйхати:
1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Биологические особенности и распространение перспективных лекарственных растений //Под редакцией Т.А.Адылова. – Ташкент: Фан, 1981. –158 с.
5. Биологически активные вещества растительного происхождения. Б.Н.Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001. –764 с.
6. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
7. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
8. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
9. Государственная Фармакопея СССР // 11-е изд. – М.: Медицина, 1989. – 398 с.
10. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1 – 568 с.; ч.2 – 560 с.
11. Кароматов И.Дж. Простые лекарственные средства. Бухара: «Дурдона», 2012. – 888 с.
12. Кьосев П.А. Полный справочник лекарственных растений М.: Экмопресс, 2000. – 990 с.
13. Лесиовская Е.Е., Пастушенков Л.В. Фармакотерапия с основами фитотерапии. Учебное пособие. – М.: ГЭОТАР-МЕД, 2003. – 592 с.
14. Мавлянов Шухратжон Равшан угли., Хакимов Зиявиддин Зайнуддинович, Хожиматов Олимжон Каххарович. Желчегонное средство. Патент на изобретение №IAP 05334, от 11.01.2017 г.
15. Набиев М. Лечебные дары Чаткала. Ташкент: Абу Али ибн Сино, 2004.
16. Палов М. Энциклопедия лекарственных растений». Под ред. канд. биол. наук И.А.Губанова. – М.: Мир, 1998. – 467 с.
17. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
18. Хакимов З.З., Мавланов Ш.Р., Рахмонов А.Х., Ходжиматов О.К. Эксперементал уткир токсик гепатитда Лесбохолни жигарининг сафро ажратиш фаолиятига таъсирини урганиш. Инфекция, иммунитет и фармакология, №6, 2014. – С.191-195 .
19. Хожиматов О.К. Желчегонный сбор Ходжиматова. Фармакопейная статья ФС 42 Уз – 0168 – 2017. –14 с.
20. Хожиматов К.Х., Хожиматов О.К., Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
21. Хожиматов K.Х., Хожиматов О.К. Ўсимликлар хом ашёси ресурслари. Гулистон: ГулДУ босмохонаси, 2007. –54 с.
22. Хожиматов О.К. Лекарственные растения Западного Тянь-Шаня (в пределах Республики Узбекистан). Автореф. дис. … докт. биол. наук. – Ташкент. 2008. – 40 с.
23. Ansari M., Sharififar F., Arabzadeh A.M., Mehni F., Mirtadzadini M., Iranmanesh Z., Nikpour N. In vitro evaluation of anti-herpes simplex-1 activity of three standardized medicinal plants from Lamiaceae // Anc. Sci. Life. 2014. Jul-Sep. 34 (1). P. 33-38.
24. Khojimatov O.K. Medicinal plants of Uzbekistan: their past, present and future // Food and Food Ingredients Journal of Japan Vol. 224, 2019. №.2 pp. 201-207.
25. Olim K. Khojimatov, Dilovar T. Khamraeva, Alisher N. Khujanov, Rainer W. Bussmann. An overview of Ethnomedicinal plants of Uzbekistan. Ethnobotany Research & Applications 20:08 (2020) // Published: 21.06.2020, http://dx.doi.org/10.32859/era.20.08.1-19
26. www.ipni.org
27. https://www.greeninfo.ru
28. http://lektrava.ru
29. http://manual-plants.com.ua/section/opisanie-rasteniy
30. http://pharmspravka.ru
31. http://www.fito.nnov.ru
32. http://n-retsept.ru
33. www.plantarium.ru
34. http://www.theplantlist.org/
35. http://www.u-lekar.ru/
36. http://100trav.su/
37. http://mountainherbs.uz/ru/ZIZIPHORAPEDICELLATA
38. https://usadba.guru/cvetovodstvo/mnogoletniki/ziziphora-pedicellata.html/
39. https://dic.academic.ru/dic.nsf/ruwiki/1275875